“Ngjarjet e fundit më kanë lënë pa energji, apo shpresë. U ndjeva i tronditur nga mënyra se si u prit”,- shkruan Wasim Haq në letrën e dorëheqjes nga posti i tij si anëtar i këshillit të FA, të cilën e bëri publike të enjten.
Ai u zgjodh në këtë organi si përfaqësues me titull, u pezullua në fillim të nëntorit nga posti e tij, të cilin e ushtronte që në vitin 2019.
Ai shtoi: “Pasi kam punuar ngushtë dhe krijuar miqësi domethënëse me shumë hebrenj gjatë viteve, gjëja më e dhimbshme për mua është të kuptoj se disa nga këta miq dhe kolegë, mund të mos më falin kurrë për shkak të këtij keqkuptimi me të cilin fola pa kuptim. Ishte një kritikë e drejtpërdrejtë ndaj një politikani. Por në shprehjen e këtyre ndjenjave zgjodha fjalët e gabuara dhe kjo ndikoi shumë negativisht në rolin tim në Federatë”.
Haq, gjithashtu u angazhua për të bashkëvepruar me anëtarët e komunitetit hebre për mirëkuptim dhe ndarje më të madhe. FA mori parasysh dorëheqjen e tij duke kujtuar: “Futbolli ka të bëjë me unitet dhe jo ndarje. Prandaj, ne mirëpresim faljen e tij ndaj komunitetit hebre për komentet e tij të papranueshme”.
