Drejtori Ekzekutiv i Byrosë për Kërkime Sociale (BIRODI) Zoran Gavriloviq tha sot se opozita duhet të reagojë ndaj faktit që presidenti serb Aleksandar Vuçiq po udhëheq fushatën e partisë nga ajo pozitë.
Madje ai ka sugjeruar opozitën që t’i drejtohen Agjencisë Kundër Korrupsionit.
Gavriloviq i tha gazetës Danas se në këtë mënyrë Vuçiq po “kap” si parlamentin aktual ashtu edhe atë të ardhshëm, duke “marrë me qira vlerësimin e tij në mënyrë që Partia Progresive Serbe (SNS) të marrë sa më shumë vota.
Ai beson se pa Vuçiqin, i cili ishte kryetar i SNS-së deri në maj, ndikimi i deputetëve, madje edhe ndikimi i asaj partie, do të ishte dukshëm më i ulët.
“Për t’ia kthyer, deputetët i qëndrojnë besnikë dhe e tolerojnë sjelljen e tij antikushtetuese, e cila është shumë e rëndësishme për të. Për ta ndalur këtë duhet të veprojë Agjencia për Luftën kundër Korrupsionit. Kjo është një marrëdhënie që shkel nenin 40 të Ligjit për Parandalimin e Korrupsionit dhe ne duhet të insistojmë në këtë”, tha ai.
Gazeta Danas shkruan se gjatë javës së kaluar Vuçiq ka hapur segmente të autostradave, ka pajisur spitalet, ka lansuar sistemin “Më gjeni” dhe se gjashtë ditët e fundit ka qenë mysafir në katër televizione me frekuencë kombëtare.
