Mëngjesi i sotëm e gjeti të trazuar një familje në Prizren. Kjo pasi rreth orës 05:00 të mëngjesit, dy djem që kanë lidhje familjare patën një zënkë të rëndë e cila për pak sa nuk përfundoi me fatalitet.
Me armë zjarri, një person ka plagosur një familjar më të ri në moshë.
Bëhet fjalë për një 31-vjeçar i cili ka plagosur me armë zjarri një 25-vjeçar, i cili po trajtohet në Spitalin Rajonal të Prizrenit.
Burime të Sinjalit brenda këtij Spitali, kanë treguar se 25-vjeçari është jashtë rrezikut për jetë, derisa Policia nuk ka arritur të arrestojë ende të dyshuarin.
Sipas informacioneve i dyshuari është larguar nga shtëpia dhe Policia nuk ka arritur ta kapë ende.
Burime brenda Spitalit thonë se 31-vjeçari dhe viktima 25-vjeçar janë të së njëjtës familje.
