Presidenti i Serbisë, Aleksandër Vuçiq, pas takimit me kryeministrin e Republikës së Kosovës, Albin Kurti dhe 5-shën ndërkombëtare ka thënë se Serbia nuk mund ta pranojë pavarësinë e Kosovës.
“Serbia nuk mund ta pranojë anëtarësimin e Kosovës në OKB, as pavarësinë e Kosovës. Jemi plotësisht të gatshëm për formimin e Asociacionit. Është e qartë për të gjithë, pa marrë parasysh çfarë. Ne duam paqe, do të vazhdojmë të veprojmë me përgjegjësi.
Ne jemi shumë afër një marrëveshjeje për energjinë. Ne po mundohemi të sillemi në një mënyrë jashtëzakonisht të përgjegjshme. Bazuar në parimet që janë nënshkruar më 2015″, tha Vuçiq.
