Kryetari i Aleancës për Ardhmërinë e Kosovës, Ramush Haradinaj në një intervistë për IndeksOnline, ka konfirmuar disa kandidatura të këtij subjekti për kryetar të komunave për zgjedhjet e ardhshme lokale.
Haradinaj ka thënë se e kanë praktikë që kryetarët aktual të komunave janë kandidat me automatizëm, përveç nëse ata për ndonjë arsye të caktuar nuk kanë gatishmëri dhe në të njëjtën kohë përgatisin kandidatura tjera.
“Nëse Flasim për Klinë, Zenun Elezaj është prapë kandidat, në Deçan Bashkim Ramosaj, Gjakovë, Ardian Gjini, Rahovec, Smajl Latifi, Suahrekë, Bali Muharremaj dhe kryesisht kryetarët e degëve janë kandidat potencial edhe në komuna tjera, por ka raste kur kandidaturën me identifikuar tash. Siç është rasti me Istogun është rast specifik, e kemi identifikuar një koleg të zotin siç është Ukë Blakaj, në bashkëpunim dhe konsulta me plot tjerë. Në Pejë Ali Berishën dhe me siguri do të vazhdojmë edhe me komuna tjera. Realisht i kemi identifikuar, por nuk i kemi konfirmuar sepse konfirmimi formal bëhet pak para zgjedhjeve me një vendim të kryesisë”, ka thënë Haradinaj.
Nga minuta e 15-të, kreu i AAK-së flet për kandidatët e këtij subjekti për kryetarë të komunave:
