Studiuesit në Suedi kanë zhvilluar një implant sysh të printuar në 3D për të ofruar terapi që mund të trajtojë diabetin.
Pajisja lejon që qelizat e pankreasit të vendosen në sy dhe mund të bëjë të mundur trajtimin edhe për sëmundje të tjera, thonë studiuesit.
Studiuesit zgjodhën qelizat e pankreasit, pasi janë ato që prodhojnë insulinën.
Sistemi imunitar i njerëzve me diabet të tipit 1 sulmon qelizat që përdoren për të prodhuar insulinë – një hormon që luan një rol në rregullimin e niveleve të sheqerit në gjak.
Studiuesit suedezë thonë se implantimi i një pajisjeje në sy është ideal sepse syri mund të tolerojë lëndë të huaja pa shkaktuar një përgjigje imune inflamatore.
Transparenca e syrit gjithashtu i lejon studiuesit të monitorojnë implantin me kalimin e kohës.
Hulumtimi i tyre u publikua në revistën Advanced Materials këtë muaj.
Pajisja, e cila është rreth 240 mikrometra e gjatë, u fiksua midis irisit dhe kornesë në dhomën e përparme të syrit (ACE). Ai mbajti pozicionin e tij për disa muaj në testet në minj.
Këto “mini-organet” u integruan shpejt me enët e gjakut të kafshës pritëse dhe funksionuan normalisht, thanë studiuesit.
