Alejandro Gomez, i njohur gjerësisht si Papu Gomez, u pezullua për dy vjet pasi ka rezultuar pozitiv në testin antidoping që ka kryer në nëntor 2022, pak ditë para Kupës së Botës në Katar.
Fakti që Argjentina e fitoi më pas kampionatin botëror me penallti kundër Francës më 18 dhjetor, bëri që disa tifozë të “Albicelestes” të shqetësoheshin. A nuk do të rrezikohej titulli kampion bote?
Përgjigja qëndron në nenin 11 të Kodit Botëror Anti-Doping: një ekip kombëtar ose klub do të humbiste një titull të fituar vetëm nëse konstatohej prania e më shumë se dy lojtarëve pozitivë me doping. Prandaj, Argjentina mund të jetë e sigurt.
Po Sevilla, e rrezikon trofenë e Europa Legaue-s të fituar në finale përballë Romës? Edhe Sevilla mund të qëndrojë e qetë e qetë, pasi Papu ka qëndruar gjatë gjithë kohës në stol dhe nuk ka goditur penallti.
Nëse ankesa refuzohet, lojtarit do t’i hiqej Kupa e Botës 2022 dhe Europa League 2023 nga palmaresi personal. /SS
