Një fëmijë është gjetur i vdekur sot në Raskovë të Obiliqit.
Shoqata Kosovare e Kërkim-Shpëtimit ka njoftuar se fëmiun e kanë gjetur të vdekur pas një operacioni kërkimor.
Ndërkohë, rastin e ka konfirmuar edhe Policia e Kosovës.
Agron Borovci ka deklaruar për Indeksonline se i mituri u gjet i vdekur në lumë.
“Rreth orës 18:15, është pranuar informata ndërlidhur me dyshimet për rënien në lum të një fëmije rreth pesë vjeç, në fshatin Raskovë të komunës së Obiliqit.
Policia menjëherë ka dalë në vendin e ngjarjes, me ç’rast ka vijuar kërkimet dhe gjurmimet në terren.
Rreth orës 20:30 është raportuar pë gjetjen e trupit të fëmijës por fatkeqësisht pa shenja jete.
Aktualisht po trajtohen rrethanat që karakterizojnë ngjarjen” deklaroi Borovci.
