Mediat lokale siriane po raportojnë se Izraeli ka filluar sulme ajrore mbi aeroportet e Damaskut dhe Alepos.
Sipas këtyre raportimeve, mbrojtja ajrore u aktivizua kundër sulmeve, shkruan The Guardian.
Ekziston shqetësimi mes qeverive se dhuna mund të përhapet më tej, duke përfshirë fqinjët e Izraelit, Sirinë dhe Libanin.
Ushtria izraelite njoftoi dy ditë më parë se një numër raketash janë hedhur drejt Izraelit edhe nga Siria.
“Një numër raketash nga Siria që synonin Izraelin u identifikuan pak më parë. Një pjesë e tyre kaluan në territorin izraelit dhe me sa duket ranë në zona të hapura” u tha në postim të ushtrisë izraelite në rrjetin X.
Sipas mediave, nga Siria janë lëshuar 5 raketa.
Sot po shënon dita e pestë e luftimeve mes Izraelit dhe Palestinës, ku të vrarë nga shteti izraelit kanë mbetu 1300 persona. Ndërkaq, në Gaza kanë ngelur të vrarë rreth 1055 njerëz. /Insajderi.org/
