Policia e Kosovës sot ka arrestuar një person në person në fshatin Lladrovc të Malishevës.
Arsyeja e arrestimit ishte se në këtë fshat u gjetën 3 mijë bimë narkotike të llojti kanabis sativa, shkruan Neutral.al
Siç njoftoj Policia në pranga përfundoi 41-vjeçari me inicialet A.M.
Ndërkohë, që Gazeta Sinjali, raporton se i arrestuari është Avni Mazreku.
Sipas mediumit Mazreku me të parë Policinë, kishte tentuar që të ikte nga vendi i ngjarjes, por që u kap pak kilometra larg nga një patrullë e njësiteve policore.
Ai është shoqëruar në stacion policor për intervistim ku ndaj tij është iniciuar rasti ‘Kultivim i bimës së hashashit, shkurres së kokainës ose bimëve të kanabisit’.
Me vendim të Prokurorit të Shtetit, Mazreku është dërguar në mbajtje për 48 orë.
Shënim: Personi i apostrofuar në këtë artikull prezumohet i pafajshëm derisa fajësia e tyre të mos provohet me vendim të formës së prerë nga gjykata.
