Të premten, mbrëmja e parë e “Dancing with the Stars”, ka nisur me surpriza dhe një ndër to ishte performanca e Luiz Ejllit, si i ftuar special i mbrëmjes.
Pas perfomancës Eno dhe Bora kanë ftuar në skenë disa nga aktorët e filmit ku kanë luajtur bashkë Olta dhe Luizi, përfshirë këtu Sara Hoxha, Eni Shehu, Roerd Toçe. Të gjithë janë pyetur sesi e presin promovimin e filmit dhe Olta u shpreh:
“Ndonjëherë kur pritshmëria është shumë e lartë, emocionet janë akoma edhe më lart. Edhe mbase mund të ndodhi ndonjëherë që njerëzit edhe mund të zhgënjehen, unë nuk e di por nuk e uroj këtë”, ndërkohë që fjala është ndërprerë nga Bora.
“Këtë ta them unë me siguri, sepse ky është filmi i parë i Top Channel films dhe ku vë dorë Topi gjërat janë gjithmonë të bukura”, i tha Bora.
Teksa Olta ka qeshur e më tej ka vazhduar: “E kisha për veten si aktore dhe më takon të jem më modeste edhe pse mezi po e pres se është gjithë kjo zhurmë e madhe. Uroj të gjithë ta shihni me sy dashamirës sepse filmi është bërë me një dashuri të madhe”.
