Është gjendur pa shenjë jete Jeton Markaj, i cili rezultonte i zhdukur që disa ditë.
Rastin e ka konfirmuar zëdhënësi i Policisë së Kosovës për rajonin e Pejës, Fadil Gashi.
“Rreth orës 10:00 kemi pranuar informatë nga një qytetar se ka gjetur një person në fushat e fshatit Gllaviqicë të Pejës. Në vendin e ngjarjes ka dalë Policia dhe ekipet emergjente, ndërsa nga mjeku është konfirmuar vdekja e tij”, tha Gashi.
Gashi tha se rasti vazhdon të hetohet.
Ndryshe, Policia e Kosovës kishte kërkuar ndihmë nga qytetarët për gjetjen e Jeton Markaj, i cili ishte zhdukur para disa ditësh.
