Sot nis java e gjashtë në Superligën e Kosovës në futboll.
Këtë të shtunë në program për t’u zhvilluar janë dy ndeshje, shkruan Gazeta Express.
Lideri i tabelës, Llapi, do të sfidohet nga Gjilani në “Zahir Pajaziti”.
Llapjanët kanë grumbullar 10 pikë pas pesë xhirove, kurse gjilanasit gjashtë më pak. Gjilani ka gjithashtu një ndeshje më pak të zhvilluar.
Ndeshja tjetër do të zhvillohet në stadiumin “18 Qershori”, mes Dukagjinit dhe Fushë Kosovës, dy skuadrave që nuk kanë ende asnjë fitore dhe renditen në tri prej pozitave të fundit në tabelë.
Dukagjini është i teti me tri pikë të grumbulluara, ndërsa Fushë Kosova është në pozitën e fundit (10) me vetëm një pikë.
Të dy ndeshjet e ditës së sotme do të zhvillohen nga ora 15:00.
