Kryetari i AAK-së, Ramush Haradinaj, e ka kritikuar kryeministrin e vendit, Albin Kurti, se po i merr meritat për projektin e impiantit për përpunimin e ujërave të zeza në Gjakovë.
Haradinaj tha se impianti ka filluar të ndërtohej gjatë qeverisjes së tij, është bashkëfinancuar nga qeveria gjermane, ajo zvicerane e komuna e Gjakovës, ndërsa ka përfunduar në kohën e Qeverisë Kurti.“Është mirë të jemi modestë në përvetësimin e meritave.
Në rastin konkret impianti ka filluar të ndërtohet gjatë qeverisjes sime, është kryer nga ata që e kanë financuar dhe ka përfunduar në kohën e kësaj qeverie. Të shpresojmë që qeveria e ardhshme të ketë kënaqësinë që t’i inaugurojë projektet që i nisë qeveria e sotme.
Thashë, të shpresojmë”, shkroi Haradina.Tutje, kreu i AAK-së u shpreh i lumtur që ky investim sot është në dobi të qytetarëve të Gjakovës, teksa shtoi se “asgjë nuk pikon nga qielli, por është rezultat i një angazhimi të jashtëzakonshëm, edhe i donatorëve por edhe i Komunës së Gjakovës”.
