Policia e Milanos është treguar e pamëshirshme me 9 tifozë ë Milanit, të cilët sot kanë tentuar që të ndjekin pa bileta në stadium derbin ndaj Interit.
Në sfidën e cila për më tepër u mbyll me humbjen 0-2 të skuadrës së tyre, 9 tifozët mes të cilëve edhe një vajzë, të moshës nga 16 deri në 30 vjeç, janë munduar të hyjnë në impiant për të ndjekur sfidën duke shpërthyer një derë.
Por ata janë ndaluar nga forcat e shumta të policisë të cilat kishin rrethuar stadiumin “San Siro” dhe janë dërguar menjëherë në kuesturë, ku është dhënë vendimi sipas ligjit për përjashtimin e tyre nga të gjitha stadiumet dhe aktivitetet sportive për një vit.
