Legjenda e AC Milan, Andriy Shevchenko, ka bërë një dedikim special në prag të ndeshjes gjysmëfinale të LIgës së Kampionëve, mes Milanit dhe Interit.
Sheva ka ndarë me ndjekësit e tij foto nga e kaluara, kur ai ishte lojtar i Milanit.
Saktësisht, ylli ukrainas ka publikuar foto nga derbi i gjysmëfinales së Ligës së Kampionëve të vitit 2003 mes Milanit dhe Interit.
Atë kohë, pikërisht me golin e Shevchenkos, Milani e eleminoi Interin, për t’u kualifikuar në finale, ku pastaj fitoi edhe ndaj rivalit tjetër italian, Juventusit.
Sheva u ka uruar fat lojtarëve të Milanit, ndërsa sipër fotos ka shkruar: Ndeshje e veçantë, emocione unike.
