Andrew Tate po refuzon kujdesin e mjekëve pasi fytyra e tij u fry nga një reaksion për të cilën ai ka frikë se mund të ketë qenë një helmim.
Ish-kampioni i botës në kikboks është aktualisht nën arrest shtëpiak në shtëpinë e tij në Bukuresht, pasi u lirua nga paraburgimi në Rumani muajin e kaluar. Ai dhe vëllai i vogël Tristan, një ish-kampion evropian, u arrestuan në mes të një hetimi mbi trafikimin e dyshuar të qenieve njerëzore dhe formimin e një grupi të krimit të organizuar, me dy të tjerë të arrestuar gjithashtu.
Vëllezërit Tate nuk janë ende plotësisht të lirë për të lëvizur sipas dëshirës, ndërkohë që nuk u është kthyer koleksioni i supermakinave të sekuestruara, por ata kanë qenë aktiv në mediat sociale gjatë gjithë kohës që kanë dalë nga burgu.
Së fundmi Andrew postoi në Twitter një video duke u ankuar për ënjtje në lëkurën e tij, me pamjet që grumbulluan miliona shikime.
“Fytyrë e fryrë”, shkroi ai në një postim në Twitter. “Presioni i gjakut është i lartë. Lëkura në zjarr. Vështirë për të marrë frymë. Një lloj reagimi i rëndë ose helm. Vetëm kafe dhe ujë deri më tani sot. Të gjitha u shfaqën në 5 minutat e fundit.”, shtoi ai.
Tate këmbënguli se nuk do të merrte ilaçe për shkak të frikës se një mjek do ta vriste me injeksione.
Kishte postime të tjera në Twitter që konfirmuan se ai nuk ka alergji dhe refuzon të bëjë asgjë, përveçse të shmangë sëmundjen, për të cilën ai pretendon se mund të jetë helmim.
“Andrew nuk është alergjik ndaj asgjëje”, thuhej në një postim. “Kjo nuk ka ndodhur kurrë më parë. Ka pirë vetëm ujë dhe kafe sot. Ose një pickim insekti ose ndonjë çmenduri e sulmit matricë në ujin e tij në shishe. Ai po refuzon mjekët dhe po fokusohet te çaji dhe frymëmarrja. Do t’ju mbajë të gjithëve të përditësuar.
“Andrew është mirë. Thotë se dhimbja është pjesë e jetës. Ai thotë se doktori do t’i injektojë “kush e di çfarë” dhe do ta vrasë. Për sa kohë që mund të marrë frymë, ai refuzon ndihmën mjekësore, deri më tani shumë mirë. Pyetja është se nga erdhi kjo.”