Ministrja e Drejtësisë, Albulena Haxhiu ka njoftuar se në mbledhjen e Qeverisë u ndanë 600 mijë euro për mbikëqyrjen e hallkave elektronike që do t’i vendosen dhunuesve.
Sipas Haxhiut nuk ka pasur përpjekje për zbatimin e ligjit të hyrë në fuqi në vitin 2015, shkruan Syri.net Kosova.
“Më 1 korrik 2015, ka hyrë në fuqi Ligji për Mbikqyrjen Elektronike. Pavarësisht hyrjes në fuqi, asnjëherë nuk ka pasur përpjekje për zbatimin e tij”, shkroi Haxhiu në Facebook.
Ministrja Haxhiu tha se me zbatimin e ligjit viktimat do të jenë më të mbrojtura.
“Viktimat e dhunës do të jenë më të mbrojtura dhe më të sigurta kurse dhunuesit do të jenë të monitoruar për të parandaluar përsëritjen e njëjtë të veprës së dhunuesit ndaj vitktimës ose rastet me fatalitet”.
