Avokati britanik Ben Emmerson, në fjalën e tij gjatë seancës gjyqësore që po mbahet në Hagë kundër krerëve të UÇK-së, ka deklaruar se Prokuroria e Specializuar ka pranuar se e kishte pasur gabim sa I përket një dëshmitari.
“Deri javën që shkoi ishte një dëshmitar në listën e dëshmitarëve të Prokurorisë, i cili kishte pretenduar se e kishte parë një herë Veselin në Kukës. Por, ishte e dukshme që në fillim, pasi pamë deklaratat dhe dëshmitë e këtij dëshmitari, se ai ishte gabuar tërësisht sa i përket identifikimit të Veselit. Javën që shkoi, Prokuroria I dha njoftim mbrojtjes se ky dëshmitar vërtet e kishte pasur gabim sa i përket identifikimit të Veselit”, ka deklaruar Emmerson. /Demos
