Kryetari i Drenasit, Ramiz Lladrovci ka marrë pjesë në varrimin e ish-luftëtarit të UÇK-së, Agron Haradinajt.
Ai thotë se “sot, shokët, miqtë dhe atdhetarët, kudo janë, ndjejnë peshën e ndarjes nga ushtari shembullor i UÇK-së, nga Agroni i cili në rininë e hershme iu bashkua idealeve të babë Smajlit dhe më vonë bashkë me vëlla Nasimin e Naimin, radhëve të UÇK-së për liri”.
Tutje Lladrovci thotë se i qanë zemra e shpirti për të.
Shkrimi i plotë:
Me dhimbje të madhe, sot, në prani të qytetarëve të shumtë, bashkëveprimtarëve e bashkëluftëtarëve e varrosëm shokun tonë, Agron Smajl Haradinaj.
Sot, shokët, miqtë dhe atdhetarët, kudo janë, ndjejnë peshën e ndarjes nga ushtari shembullor i UÇK-së, nga Agroni i cili në rininë e hershme iu bashkua idealeve të babë Smajlit dhe më vonë bashkë me vëlla Nasimin e Naimin, radhëve të UÇK-së për liri.
Na qanë zemra dhe shpirti për shokun, bashkëveprimtarin e bashkëluftëtarin, Agron Smajl Haradinajn.
I paharruar është kujtimi për veteranin e UÇK-së, Agron Haradinaj!