Në Parc des Princes, Paris Saint-Germaini dhe Bayern Munichu zhvillojnë ndeshjen e parë të të tetës së finales në Ligën e Kampionëve.
Dy gjigantët i kryesojnë ligat respektive, me kamponin francez që ka arkëtuar 54 pikë në 23 ndeshje në Ligue 1 dhe kampionin gjerman që ka primatin në Bundesliga me 43 pikë në 20 ndeshje të zhvilluara.
Do të shohim një përballje taktikash ndërmjet trajnerëve Christophe Galtier dhe Julian Nagelsmann, të cilët kanë bërë zgjedhjen e njëmbëdhjetëshave startues.
Formacioni startues i Paris Saint-Germainit: Donnarumma; Hakimi, Marquinhos, Ramos, Nuno Mendes; Zaire-Emery, Verratti, Danilo Pereira; Carlos Soler; Messi, Neymar.
Formacioni startues i Bayern Munichut: Sommer; Cancelo, Upamecano, De Ligt, Pavard; Kimmich, Goretzka; Sane, Musiala, Coman; Choupo-Moting.
Në San Siro zhvillohet sfida e parë e 1/8 së finales në Ligën e Kampionëve ndërmjet Milanit dhe Tottenham Hotspur.
Të dyja skuadrat janë në pozitën e pestë tabelare në ligat respektive, me Rossonerët që kanë grumbulluar 41 pikë në 22 ndeshje në Serie A, kurse Spursat kanë arkëtuar 39 pikë në 23 ndeshje të zhvilluara në Ligën Premier.
Strategët Stefano Pioli dhe Antonio Conte do t’i vënë përballë taktikat e tyre dhe i kanë zgjedhur lojtarët që do të zbresin në fushë nga minuta e parë.
