Napoli ka shënuar fitore të thellë ndaj Juventusit, me rezultat 5-1, në kuadër të xhiros së 18-të në Serie A.
Serinë e golave e nisi Victor Osimhen, në minutën e 14’, teksa golin e dytë për napolitanët e realizoi Khvicha Kvaratskhelia, në minutën e 39’.
Tre minuta para se të përfundonte pjesa e parë, Angel Di Maria e ngushtoi epërsinë.
Në pjesën e dytë, kapiteni i Kosovës, Amir Rrahmani e trefishoi epërsinë e vendasve.
10 minuta më vonë, Osimhen shënoi golin e katërt dhe të dytin personal në ndeshje. Goli i Eljif Elmas në minutën e 72’, ishte i fundit në ndeshje për rezultatin përfundimtar 5-1.
Napoli pas fitores mbetet në vendin e parë me 47 pikë, pas 18 ndeshjeve, teksa Juventusi në pozitën e tretë me 37 sosh.
