Merkato dimërore e Liverpoolit pritet të mbyllet me vetëm një afrim. “The Reds” firmosën me Cody Gakpo, duke paguar 42 milionë euro në arkat e PSV-së për lojtarin ofensiv holandez.
Trajneri Jurgen Klopp po përballet me dëmtime të shumta, por në prononcimin e fundit për shtypin gjermani e deklaroi të mbyllur merkaton e klubit të tij.
“Nuk mendoj se do të bëjmë afrime të tjera. Është detyra ime të bazohem te djemtë që kam në dispozicion”, u shpreh Jurgen Klopp.
Liverpooli po vuan në Premier League këtë sezon. Skuadra renditet në vendin e shtatë me 28 pikë. Arsenali kryesues është 16 pikë larg, ndërsa zona Champions vetëm 7 pikë.
