Kënga e interpretuar nga Elsa Lila dhe Capital T në festivalin e RTSH-së është hequr nga YouTube. Kjo erdhi pas reagimit të kompozitorit Valentin Veizi, i cili nuk e priti mirë versionin e ‘Pyes Lotin’ që u performua nga 2 artistët.
Nuk ka asnjë reagim nga Elsa Lila dhe Capital T për heqjen e këngës që u prit mjaft nirë nga publiku.
Ndërkohë Elsa Lila u shpall fituese e “Festivalit të Këngës” nga vlerësimi i juries me këngën ‘Evita’, por nga votat e publikut u shpall përfaqësuese për Eurovizion Albina Kelmendi. Në rrjet u tha se Elsa ishte zhgënjyer dhe se kishte refuzuar të merrte kupën, të cilën ia kishte lënë produksionit.
Por në fakt këngëtarja ka pozuar bashkë me trofeun e fituar, të cilin ja dedikon vajzës së saj.
