Një aksident ka ndodhur gjatë ditës së sotme në paralagjen Dardania (Piskotë) të Gjakovës.
Policia e ka konfirmuar, të cilët thonë se si pasojë, e këtij aksidenti, kanë mbetur të lënduar gjashtë persona.
Në këtë aksident është përfshirë autoambulana dhe një veturë e tipit Golf.
Policia e Kosovës ka njoftuar se nga ky aksident kanë mbetur të lënduar 6 persona.
“Sot me datën 30.06.2022 rreth orës 12:05, është pranuar informacion për një aksident trafiku në lagjen “Dardania” në Gjakovë në mes të një autoambulance dhe një veture. Si pasojë e aksidentit përveç dëmeve materiale, 6 persona kanë pësuar lëndime trupore dhe të njëjtit janë dërguar në Spitalin Rajonal në Gjakovë“, ka thënë zëdhënësi i Policisë për Rajonin e Gjakovës, Sheremet Elezaj.
Njesitet relevante të policisë dhe Prokurori i Shtetit, kanë dalë në vendin e ngjarjes.
Rasti është duke vazhduar me hetime mbi aksidentin.
