Për shkak të përdorimit të substancave narkotike shumë persona janë më agresivë dhe shkaktojnë telashe për familjarët dhe personat e tjerë përreth.
Dje në fshatin Luzhnic të komunës së Suharekës ka ndodhur një rast i tillë, raporton Sinjali.
Një nënë ka denoncuar djalin e saj 25-vjeçar, për të cilin ka deklaruar se e ka kërcënuar. Sipas saj ai është përdorues i drogës.
Njësitet policore kanë kryer kontroll në dhomën e të dyshuarit ku kanë gjetur substancë të dyshuar narkotike të llojit marihuanë.
Prokurori ka nxjerrë aktvendim që i dyshuari të ndalohet për 48 orë dhe të hetohet nën dyshimet për kryerjen e veprës penale ‘Kanosje’ dhe ‘Asgjësim apo dëmtim i pasurisë’.
