Më heret u raportua për një ngjarje të tmerrshme se ka ndodhur në Ferizaj, ku një 11-vjeçare dyshohet se është dhunuar nga dy persona, të moshës së mitur, vitin e kaluar. Raportimi i rastit të dhunimit nga nëna e të miturës aktivizoi Prokurorinë dhe si rezultat dy persona u arrestuan, njëri prej të cilëve është akoma i mitur.
Burimet nga Prokuroria kanë bërë me dije se i dyshuari i moshës madhore që u ndalua nën dyshimet për përfshirje në këtë rast është Fitim Duraku (18-vjeçar), kurse i dyshuari tjetër i mitur është E.K., (15-vjeçar).
Kjo ngjarje e trishtë u zbulua pas denoncimit të nënës së vajzës e cila bashkë me të bijën kanë raportuar në Prokurori për tmerrin që ka përjetuar vajza në mars të vitit të kaluar.
Bazuar në dëshminë e viktimës të dhënë në Prokurori, rasti ka ndodhur në një tualet të bodrumit të banesës, kur dy të miturit ia kishin zënë pritën 11-vjeçares dhe duke ia mbyllur gojën për të mos kërkuar ndihmë, dyshohet se e kanë zhveshur dhe kanë kryer marrëdhënie seksuale me të, fillimisht njëri e pastaj tjetri.
Ky rast i tmerrshëm aktivizoi Prokurorin e Shtetit, për të nxjerrë vendim që të sigurohet prezenca e dy të dyshuarve, të cilët janë paraqitur për intervistim, ku gjatë dhënies së deklaratave kanë mohuar kategorishit ta kenë kryer veprën penale për të cilën janë denoncuar.
Pas përfundimit të procedurave, Prokurori i Shtetit ka lëshuar aktvendim që dy të dyshuarit, njëri prej të cilëve tash i mitur të dërgohen në mbajtje dhe të nisin hetimet për mbledhjen e informacioneve që zbardhin në plotni rrethanat në të cilat ka ndodhur ngjarja.
