Në Champions League, Manchester City javën e kaluar u përball me Borussia Dortmund (0-0). Anglezët janë në vendin e parë në grupin e tyre dhe kanë arritur të sigurtë në fazën e 16-të. Por në Premier League, skuadra e drejtuar nga Pep Guardiola (51) aktualisht kryeson renditjen me një pikë para Arsenalit, i cili do të presë sot Nottingham.
Në konferencën për shtyp para ndeshjes kundër Leicesterit, Guardiola tha: “Ka një ekip që është më i mire se ne. Për momentin Arsenali do të ishte kampion i Anglisë”. Megjithatë, trajneri nuk është i pakënaqur me rrjedhën e deritanishme të sezonit. Katalanasit i pëlqejnë veçanërisht sukseset në Champions League.
Guardiola shprehet: “Në përgjithësi jam i lumtur, ne kemi një qëndrim të mire, pasi fituam kampionatin sezonin e kaluar. Synimi ynë kryesor ishte kualifikimi në 1/16 e Champions League dhe ja, shumë skuadra të mëdha tashmë janë eliminuar, ose janë një ndeshje larg fundit të fazës së grupeve”.
Trajneri spanjol i Cityt llogarit edhe ndeshjet e radhës në kampionat, teksa thotë: “Në Premier League donim të ishim sa më lart në tabelë. Na kanë mbetur edhe tri ndeshje dhe mendoj se ato ndeshje do të thonë shumë për shanset tona në kampionat këtë sezon”.
Me Oleksandr Zinchenko (25) dhe Gabriel Jesus (25), dy lojtarët më të mirë të Arsenal që kaluan nga Manchester City gjatë verës, Guardiola nuk është i zemëruar. “Pas asaj që kanë bërë për ne, ata meritojnë të zgjedhin se ku duan të luajnë. Nuk mund t’u thuash të mos shkojnë në këtë apo atë ekip, klubet e mëdha nuk e bëjnë atë. Klubet e mëdha luftojnë për një lojtar, por nëse ai nuk dëshiron të qëndrojë, ai shkon ku të dojë,”- shprehet Pep.
