Një 19-vjeçar nga Florida e Jugut kapi 28 “pitonë birmanë” gjatë një gare 10-ditore që u krijua për të rritur ndërgjegjësimin në lidhje me kërcënimet që gjarpërinjtë paraqesin për ekologjinë e shtetit.
Sipas mediave të huaja, përcjell Telegrafi, Matthew Concepcion ishte në mesin e 1,000 pjesëmarrësve nga 32 shtete amerikane, Kanadaja dhe Letonia që morën pjesë në sfidën vjetore, e cila “hoqi 231 nga pitonët e padëshiruar”, tha në një njoftim për shtyp Komisioni për Ruajtjen e Peshqve dhe Kafshëve të Egra në Florida.
Për përpjekjet e tij, Concepcion-it iu dha Çmimi i Madh Ultimate 10,000 dollarë.
Ndërsa Dustin Crum fitoi një çmim të madh 1,500 dollarë për heqjen e pitonit më të gjatë, pak më shumë se 3.3 metra.
“Pitonët birmanë” nuk mbrohen përveçse nga ligji kundër mizorisë në Florida, kështu që pjesëmarrësit duhej të dokumentonin se secili u vra “në mënyrë njerëzore”.
Concepcion i tha SunSentinel të Floridës së Jugut se ai ka gjuajtur pitonët për rreth pesë vjet dhe zakonisht i kërkon ata gjatë natës, sepse atëherë ata janë në lëvizje.
Dhe ai përdor dritat e automjetit për t’i dalluar ato.
Concepcion tha se ai mund të përdorë disa nga të ardhurat e tij për të blerë një instalim të fuqishëm ndriçimi për kamionin e tij, i cili do ta ndihmojë atë të dallojë më shumë gjarpërinj.
