Sara Hoxha partnerja e reperit kosovar, Ledri Vula para pak ditësh ka festuar 30-vjetorin.
Ajo organizoi një festë të madhe me të ftuar të shumtë ku nuk kanë munguar as personazhet VIP.
Sara ka publikuar në kanalin e saj në YouTube një video me prapaskenat e jo vetëm nga festa e saj.
Mes të tjerave në këtë video ajo ka treguar edhe një moment tensioni që ka patur me Ledrin.
Ky i fundit atë ditë ka patur një koncert në Durrës por mbeti në trafik bashkë me vëllain e Sarës dhe disa miq të tyre.
Sara shihet e nervozuar dhe e mërzitur duke u shprehur se njerëzit më të rëndësishëm për të nuk do jenë pranë saj që në fillim.
“Kanë ngelur në trafik. Njerëzit më të rëndësishëm dhe të afërt për mua kanë ngelur në trafik dhe nuk do arrijnë në kohë aty. Më mirë mos ta festoj ditëlindjen fare.”
