Mjekët në një klinikë private në Romë kanë kryer një operacion në trurin e një pacienti teksa luante me saksofonin e tij, në një operacion kompleks që zgjati nëntë orë.
Pacienti, një muzikant i huaj 35-vjeçar që jeton në Romë, u lirua të enjten pasi iu hoq një tumor në tru në Spitalin Ndërkombëtar Paideia.
Operacioni u drejtua nga neurokirurgu Christian Brogna, një ekspert kryesor në “kirurgjinë e zgjuar”, me një ekip profesionistësh të lartë mjekësorë nga e gjithë bota.
“Kirurgjia Awake” bën të mundur kryerjen e operacionit me saktësi ekstreme të rrjeteve neuronale që qëndrojnë në themel të funksioneve të ndryshme të trurit si të folurit, lëvizja”, tha Brogna, duke shtuar se fakti që pacienti ishte mëngjarash bëri që procedurë edhe më sfiduese.
“Operacioni ishte vërtet kompleks dhe kërkonte përgatitje të gjatë dhe teknologji shumë të lartë”, tha Dr Brogna gjersa shtoi se “ishte një nga të parët e këtij lloji të kryer në Itali në një klinikë private.
Ndryshe, operacioni zgjati 9 orë dhe përfshiu një ekip prej 9 mjekësh e infermierësh.
