Tetë persona janë plagosur pasi një burrë 88-vjeçar shkeli aksidentalisht gazin në vend të frenave dhe hyri drejt e në një supermarket në Kaliforni.
I moshuari që u përpoq të frenonte makinën e tij tip “Toyota Avalon” shtypi aksidentalisht gazin dhe hyri brenda supermarketit plot me njerëz.
Policia tha se shoferi i moshuar po udhëtonte me një shpejtësi të konsiderueshme kur ngatërroi frenat me gazin dhe u fut me makinë brenda në market.
Mes tetë të plagosurve ishte një fëmijë pesëvjeçar dhe një punonjëse e supermarketit . Katër nga të plagosurit u dërguan në një spital lokal pasi nuk kishin plagë të rënda.
Pas ngjarjes shoferi nuk u arrestua pasi nuk ishte nën efektin e alkoolit apo lëndëve narktoke. Policia ka nisur hetimet për të zbuluar nëse “Toyota Avalon” ka pasur probleme mekanike në momentin që ka ndodhur aksidenti.
