Prostitucioni po vazhdon të jetë një fenomen mjaft shqetësues dhe një sfidë për institucionet në Kosovë. Gazeta Sinjali raportoi sot për arrestimin e 12 personave vetëm në Mitrovicë që dyshohen për marrje me prostitucion, shumica prej tyre të moshave të reja. Një aksion i tillë është zhvilluar edhe në Prizren, ku janë kapur katër persona, në dy raste të ndara.
Burimet nga Prokuroria kanë bërë me dije se fillimisht janë arrestuar një burrë 50-vjeçar dhe një grua 41-vjeçare, të cilët gjatë intervistimit në Polici e kanë pranuar se kanë kryer këtë vepër.
Posa të dyshuarit janë shoqëruar në stacion, Njësia për Hetimin e Trafikimit me Qenie Njerëzore, ka intervistuar dy të dyshuarit, të cilët kanë dhënë deklaratat e tyre. Rasti është proceduar në Departamentin për Kundërvajtje në Gjykatën Themelore në Prizren.
Ndërkohë njëjtë ka ndodhur edhe me dy të arrestuarit e tjerë, të moshave 39 dhe 41-vjeçare.
Kujtojmë se jo rrallëherë autoritet e vendit kanë raportuar për për gra e burra që dyshohen për marrje me prostitucion, ku janë të shumta rastet kur të dyshuarit janë me prejardhje nga Shqipëria.
