27-vjeçarja Naomi Oquendo nga Britania u martua me një amerikan dy herë vrasës pa e takuar ndonjëherë. Naomi u martua me Victor Oquendo përmes Zoom pasi çifti “ranë në dashuri” gjatë bllokimit të pandemisë.
Pavarësisht se ata nuk ishin takuar kurrë, ajo ishte e përgatitur të priste më shumë se një dekadë për lirimin e bashkëshortit të saj, duke argumentuar se ai i kreu krimet e tij në vetëmbrojtje.
“Besoj me gjithë zemër, ai është shpirti im binjak, ai është gjysma ime tjetër dhe ne jemi krijuar për njëri-tjetrin. Megjithatë, ndonjëherë dashuria nuk mjafton. Por unë kisha arritur në një pikë që humba veten, bëra gjithçka që mundesha vetëm për të. Besoj se në një marrëdhënie nuk mjafton vetëm të japësh, por edhe të marrësh. Më dukej sikur nuk po përfitoja më asgjë nga kjo”, tha ajo.
