Një çift në Australi është frikësuar mjaft shumë kur një vizitor i paftuar u mbështoll përreth këmbëve të tyre gjatë kohës sa ishin duke vozitur.
Incidenti ka ndodhur përgjatë rrugës Bruce Highway në Queensland, shkruan Upi.
Pamjet e gjarprit u publikuan në Facebook nga Sunshine Coast Snake Cathcher, specialistë të cilët u thirren për të hequr gjarprin e gjatë 3.5 metra.
“Ne kishim një thirrje nga një çift i cili po voziste një veturë dhe gjetën një gjarpër të zi e të gjatë brenda veturës”, thuhet në njoftim.
Gjarpri njoftohet se pasi është hequr nga vetura, është lëshuar në mal.
