Pothuajse shumicën e kohës e kalojnë bashkë. Familja Rukiqi e cila jeton në Suedi, ka një popullaritet të jashtëzakonshëm në rrjetin social “Tik-Tok”, me mbi 160 mijë ndjekës.
Në shumicën e videove të postuara në profilin e Alma Rukiqit janë videot me babanë e saj, që sipas tyre gjithçka nisi spontanisht.
Pos tjerash, të gjitha videot pothuajse kanë personazh kryesor 55-vjeçarin me karizmin e tij, dhe Alma tregon se ka edhe disa video të pa publikuara.
Dyshja kujton me plotë emocione kohën kur iu desh ta lëshonin Kosovën. Teksa foli për këtë pjesë, Rukiqi nuk u përmbajt nga emocionet dhe lotët.
