Luigj Marku, 39-vjeç nga Kallmeti i Lezhës, i cili bën thirrje ekstremiste në rrjetin social Tik-Tok e ka “pësuar keq”.
Gjatë një “live” që ai po bënte me ndjekësit e tij në TikTok ai është rrahur nga disa persona.
Në momentin që është rrahur, Marku ndodhej në një park.
Disa shqiptarë që e kanë dëgjuar i janë afruar dhe kanë nisur ta rrahin.
Në këtë moment video “live” është ndërprerë.
Më 13 korrik, Luigj Marku është shpallur në kërkim ndërkombëtar.
Antiterrori dhe Prokuroria e Lezhës kanë kërkuar ndihmën e autoriteteve irlandeze më qëllim arrestimin e 39-vjecarit.
Ndaj Luigj Markut është ngritur akuza për veprime ekstremiste me qëllim nxitjen e urrejtjes. Policia tha se ky shtetas prej kohësh publikon në rrjete sociale video dhe mesazhe radikale dhe ekstremiste. Nga verifikimet rezulton se i dyshuari ndodhet në Irlandë.
Ky persona ka pasur sherr në rrjete sociale edhe me reperin Arkimend Lusha, apo i njohur ndryshe si Stresi.
