Një grua britanike ka vdekur ndërsa bashkëshorti i saj ndodhet në gjendje kritike për jetën pas një aksidenti me skaf në Turqi.
45 vjeçarja britanike po udhëtonte me një skaf kur u përplas me një taksi deti në brigjet e Marmaris.
Ekipet e shpëtimit nxituan për të ndihmuar pasagjerët pas përplasjes.
Turistja britanike vdiq dhe pesë të tjerë u plagosën, mes tyre edhe bashkëshorti i saj. Ai raportohet se ka dalë nga terapia intensive mbrëmë edhe pse është ende i plagosur rëndë.
Katër persona të tjerë kanë mbetur të plagosur në taksinë e detit, mes tyre kapiteni 22-vjeçar dhe tre turistë. Ata kishin lëndime më pak të rënda dhe u dërguan në spitalin Ahu.
Një burim i rojës bregdetare tha për The Sun: “Ata po hipnin në një varkë me shpejtësi kur u përplasën me një taksi deti që po udhëtonte për në Turunc. Burri është në terapi intensive”, transmeton Klankosova.tv.
