Inspektorati Policor i Kosovës ka arrestuar të shtunën në Pejë një zyrtar policor pasi e ka kapur në flagrancë duke marrë ryshfet.
Sipas IPK-së, polici dyshohet edhe për kryerjen e veprës penale “ushtrim i ndikimit”.
Rasti ka ndodhur në një lokal në mbrëmjen e së shtunës.
Sipas hetimeve, polici kishte kërkuar 800 euro nga një qytetar që t’ia siguronte kalimin e provimit për patentëshoferë për kategorinë “B” në mënyrë të paligjshme.
Të dyshuarit i është caktuar masa e ndalimit për 48 orë kurse IPK-ja ka rekomanduar suspendimin e tij.
