Gjatë ditës së Hëne, emisari i BE-së, Mirosllav Lajçak takoi liderët e opozitës.
Pas takimit kreu i PDK-së tha se draft-statusi për Asociacionin e Komunave me Shumicë Serbe nuk iu është prezantuar nga ana e Lajçakut.
Mirëpo kështu nuk u shpreh edhe kreu i AAK-së Ramush Haradinaj.
Ai sot për Lajmin ka thënë se e ka parë draftin madje edhe ka marrë shënime.
‘’Unë dhe Kolegu im Besnik Tahiri, e kemi parë draftin, të dy e kemi pasur nga një kopje të cilën e kemi lexuar dhe pastaj kemi marrë shënime’’, tha Haradinaj.
Deputeti i LDK-së, Anton Çuni ka thënë se Lutfi Haziri i ka informuar për përmbatjen e takimit me Lajçakun.
Çuni më tutje ka thënë se Qeveria duhet të jetë transparente karshi dialogut.
