Presidentja e Republikës së Kosovës, Vjosa Osmani, gjatë ditës së sotme do ta vizitojë komunën e Lipjanit, me ç’rast do të ketë një sërë aktivitetesh.
Sipas njoftimit të Presidencës, e para e shtetit do të takojë kryetarin e Komunës së Lipjanit, Imri Ahmeti dhe pas takimit do të deklarohen për media.
“Në orën 13:00, Presidentja Osmani do të pritet në takim nga kryetari i komunës së Lipjanit, Imri Ahmeti. Në orën 13:45, Presidentja Osmani dhe kryetari Ahmeti, do të deklarohen për media. Pastaj, Presidentja Osmani do të vazhdojë me aktivitete të tjera, duke takuar gra e të rinj, komunitetet joshumicë dhe biznese të kësaj komune”, thuhet në njoftim.
