Një pjesë e Fushë-Kosovës dhe disa fshatra përreth kanë mbetur pa furnizim me ujë të dielën.
Kompania Rajonale e Ujësjellësit “Prishtina”, ka njoftuar se për shkak të dëmtimit të kabllos elektrike 10kV që furnizon objektin Kroni, nga një kontraktor që po merret me shtrimin e rrugës te lagjja e Romëve në Fushë-Kosovë, pa furnizim me ujë kanë mbetur edhe fshati Bresje, Bardhi i Madh, Mes Bardhi, Vragolia, Bardhi i Vogël, Lismiri dhe Miradia e Epërme.
“Furnizimi me ujë rikthehet kur të riparohet kablloja e energjisë elektrike nga kontraktori”, thuhet më tej në njoftim.
