Kreu i Qeverisë, Albin Kurti, duke iu përgjigjur kritikave të partive opozitare tha se në qeverisjen e tij janë dyfishuar eksportet edhe investimet e huaja. Sipas tij, Qeveria shquhet për investime në katër fusha, në mbrojtje e siguri, shëndetësi, arsim dhe bujqësi.
Kurti tha se ka emigrim, por s’ka zbrazje të Kosovës dhe se pas 1 janarit gjendja s’mund të ndryshojë sepse ata që hynë në shtetet e BE-së duhet të kthehen. Kurti tha se liberalizimi i vizave i ndihmon komunitetit të biznesit dhe studentëve.
“Në qeverisjen tonë janë dyfishuar edhe eksportet edhe investimet e huaja. Ekonomisë ja kemi shtuar mbi 1 miliard euro çdo vit. Është shumë vështirw të gjeni në histori e në botë ku shembuj të tjerë ku produkti bruto vendor rritet për gati 50 për qind për vetëm 4 vjet. Pagat janë rritur, qeveria jonë është shquar për investime posaçërisht në katër fusha, mbrojtje dhe siguri, shëndetësi, arsim dhe bujqësi”.
“Kurrë ma vështir se sot në këtë shekull nuk ka qenë blera e armatimi, jo sepse nuk ka por radha është e gjatë, kurrë më shumë nuk është blerë. Sot është përvjetori kur LDK e ka dërguar ligjin për çmimet tava në Gjykatën Kushtetuese. Nga i cili do ta luftonim varfërinë dhe do ta ndihmonin mirëqenien e qytetarëve”, tha ai.
“Unë s’mendoj që po zbrazet Kosova, ka emigrim, por nuk ka zbrazje të Kosovës dhe nuk do të ketë as pas 1 janarit. E dini që ata që do të shkojnë tani pa nevojë për vizë në zonën Schengen duhet të kthehen. Ata nuk shkojnë sikur në të 90-tat për azil politik e ekonomik”.
Kurti, në fjalën e tij në Kuvend shtoi se për katër vite, bruto produkti është rritur pothuajse 50 %. Ai ka thënë se në vitin 2020, bruto produkti vendor ka qenë 6.77 miliardë, ndërkohë që në vitin 2024 pritet të jetë mbi 10 miliardë.
Sipas tij, është vështirë të gjendet shembull në botë dhe në histori, ku një vendi për 4 vite rritë BPV-në në rreth 50 %.
“Ekonomisë gjatë kësaj qeverisje ia kemi shtuar mbi 1 miliard për çdo vit. Në vitin 2020 BPV ka qene 6.77 miliardë. Në vitin e ardhshëm është mbi 10 miliardë. A e dini çfarë do të thotë që BPV të rritet për gati 50% për vetëm katër vjet. Është shumë vështirë të gjeni në histori e në botë shembuj të tjerë ku BPV rritet për gati 50 % për vetëm 4 vjet”.
60 mijë vende të reja pune janë hapur për tri vjetët e para të mandatit të Qeverisë Kurti 2, ka deklaruar kryeministri Albin Kurti, në seancën rreth projektbuxhetit të vitit 2024. Kreu i ekzekutivit ka thënë se për vitin e ardhëm do të punësohen edhe 500 policë e 600 ushtarë.
“16 për qind është rritja e punësimit për tri vjet. Kemi rritje të punësimit. Ne zotimet i kemi pasur për punësim dhe drejtësi. Tek drejtësia kemi pengesa ndonëse sundimi i ligjit dhe luftimi i korrupsionit është vërtetuar nga organizata ndërkombëtare prestigjioze”.
Tutje, kreu i qeverisë foli edhe për blerjen e armatimit nga ana e Kosovës, ku tha se sot, kurrë më vështirë në këtë shekull s’ka qenë blerja me armatim.
“Tash kurrë më vështirë se sot në këtë shekull nuk ka qenë blerja e armatimit. Jo pse s’ka, por pse radha është shumë e gjatë. Dhe kurrë më shumë armatim, municion dhe pajisje nuk janë blerë se tani. Kurrë s’ka qenë më vështirë me gjet, kurrë s’ka qenë më i shtrenjtë dhe kurrë më shumë s’është blerë”, tha Kurti.
