Në Prokurorinë Themelore në Prishtinë ka përfunduar intervistimi i njërit nga të dyshuarve, për vrasjen e 18-vjeçarit, Lulzim Fejzullahu, në Podujevë.
E.K para prokurorisë është mbrojtur në heshtje, duke thënë se qëndron prapa asaj që ka deklaruar në Polici.
Avokati mbrojtës i të dyshuarit, Skender Musa, i cili tha se klienti i tij ka qenë në gjendje të rënduar emocionale edhe është i tronditur për ngjarjen që ka ndodhur.
Për këtë rast në Prokurori do të intervistohet edhe i dyshuari tjetër, po ashtu i mitur.
