Një person është gjetur pa shenja jete sot në trotuar në fshatin Terpezë të Malishevës.
Sipas faqes së këtij fshati bëhet fjalë për Hysen Krasniqin.
Në njoftim thuhet se i ndjeri kishte talent të madh në pikturë.
Rastin e ka konfirmuar zëdhënësi i Policisë së Kosovës për rajonin e Gjakovës, Sheremet Elezaj.
“Rreth orës 07:00 është raportuar se viktima mashkull i moshës madhore është gjetur pa shenja jete në trotuar, afër rrugës në fshatin Terpezë-Malishevë”, ka thënë Elezaj.
Vdekja e viktimës është konstatuar nga ekipi mjekësor i QKMF-së në Malishevë.
“Në vendin e ngjarjes kanë dalë njësitet e nevojshme policore dhe me vendim të prokurorit të shtetit, është iniciuar rast ‘hetim i vdekjes’. Trupi i pajetë i viktimës është dërguar në IML për obduksion”, tha Elezaj.
