Nëntë persona raportohet se janë vrarë dhe rreth 20 të tjerë janë bllokuar pasi një çati e kishës u shemb në Meksikë.
Mediat lokale thanë se 49 persona u dërguan në spital, pas shembjes në kishën Santa Cruz në Ciudad Madero.
Policia në shtetin bregdetar të Tamaulipas tha se rreth 100 njerëz ishin në një meshë në atë kohë. Mediat lokale raportuan se ishte një pagëzim.
Një numër fëmijësh besohet të jenë në mesin e të bllokuarve dhe përpjekjet e shpëtimit janë duke vazhduar.
Imazhet në mediat sociale treguan ndërtesën e kishës në rrënoja ndërsa njerëzit u grumbulluan rreth rrënojave, duke kërkuar me dëshpërim ata që ishin bllokuar brenda.
“Kisha ishte e mbushur me rreth njëqind njerëz dhe njerëzit ishin rreshtuar për të marrë kungimin – sigurisht që është një lloj kulmi i meshës katolike – dhe atëherë kur u ul çatia sipër tyre; tulla, beton dhe sigurisht strukturat mbështetëse të çelikut që zbresin në krye të njerëzve”, tha gazetari vendas Franc Contreras tha për programin Newsday të BBC World Service.
Thuhej se njerëzit po vinin me lopata dhe kazma në përpjekje për të lëvizur mbeturinat.
Postimet e mëvonshme treguan se shërbimet e urgjencës ishin në vendngjarje, pas shembjes të së dielës pasdite.
Në mediat sociale u bënë thirrje për materiale mjekësore dhe shpëtimi për të ndihmuar ata që kërkojnë të mbijetuar.
Autoritetet thuhet se po kërkonin heshtje nga të mbledhurit në vendngjarje, në mënyrë që ata të mund të dëgjonin nëse dikush i bllokuar brenda po bënte thirrje për ndihmë.
Peshkopi i dioqezës së Tampico-s, José Armando Álvarez Cano, i dërgoi një mesazh komunitetit në mediat sociale duke thënë se po punohej “për të gjetur ata nën rrënoja”.
Ai tha se ishte një “kohë e vështirë” dhe përfundoi fjalimin e tij në video duke thënë: “Zoti ju ndihmoftë”.
