Numri i britanikëve të varur nga pornografia është rritur me 60 mijë, kjo është gati dyfishi i totalit të vitit të kaluar prej pak më shumë se 30 mijë.
Shifrat e reja të zbuluara nga grupi i Trajtimit të Varësisë në Mbretërinë e Bashkuar (UKAT) tregojnë se shumica e atyre që kërkonin përmbajtje të tillë në internet, ishin burra.
Ky grup zbuloi se tash e disa ditë po marrin më shumë telefonata nga njerëz me varësi pornografie sesa nga ata që janë të varur nga alkooli ose droga.
Të famshëm, duke përfshirë aktoren Jada Pinkett Smith dhe yjet e popit Will Young dhe Billie Eilish, kanë raportuar më parë probleme me varësinë ndaj pornografisë.
Nuno Albuquerque, konsulenti drejtues i trajtimit të varësisë nga pornografia në UKAT, tha se rritja e thirrjeve për ndihmë mund të jetë edhe pasojë e pandemisë, COVID-19.
” Ishte një kohë e vështirë për intimitetin mes njerëzish. Kështu ndodh kur rritet shikueshmëria e pornografisë dhe rezulton në thirrjet për ndihmë”, u shpreh ai.
