Derisa temperaturat vazhdojnë të bien, ngrohja është ndezur në të gjitha shtëpitë. Shumë e lënë ngrohjen lëshuar gjatë gjithë natës, por kjo mund të paraqesë një rrezik për shëndetin.
Të gjithë e dimë se ulet më shumë gjatë natës, por ngrohja e shtëpisë tuaj gjatë fjetjes mund të ketë disa efekte të padëshiruara në shëndetin tuaj të përgjithshëm.
Në vijim janë tri rreziqet shëndetësore të fjetjes me ngrohjen lëshuar:
Mund t’jua çrregullojë gjumin
Fjetja në një dhomë të ngrohtë ndonjëherë mund t’jua çrregullojë gjumin ose t’ju zgjojë në mes të natës.
“Nëse dhoma është shumë e nxehtë, organizmi ynë duhet të punojë shumë për ta rregulluar temperaturën e trupit gjatë natës. Kjo mund të rritë vigjilencën dhe të zvogëlojë kohën e gjumit të thellë që është gjumi më i rëndësishëm për rikuperim, i cili na lejon të ndihemi të çlodhur dhe energjikë ditën tjetër”, ka thënë për Sky News, konsulentja e gjumit, Maryanne Taylor, nga ‘The Sleep Works’.
Temperatura ideale për dhomën tuaj gjatë natës është ndërmjet 15.6 deri në 20°C për një gjumë të mirë – njofton HuffPost.
Ju bën më të prirë ndaj ftohjes
Vrimat e hundës kanë nevojë për njomje që t’i bllokojnë viruset që qarkullojnë për të mos ju sëmurur. Megjithatë, rritja e nxehtësisë gjatë natës mund të tërheqë lagështinë nga vrimat e hundës, duke ju bërë më të prekshëm ndaj ftohjes, gripit dhe infeksioneve të sinuseve.
Ngrohja gjithashtu mund të ngrejë re pluhuri dhe alergjenë të tjerë që mund t’i inflamojnë sinuset tuaja.
Ndërkohë, hulumtimi nga Universiteti Mjekësor i Varshavës ka treguar se disa metoda të ngrohjes së ambienteve të brendshme janë faktorë të rëndësishëm rreziku për rinitin alergjik dhe astmën.
Mund ta thajë lëkurën
Sa i përket lagështisë, lënia e nxehtësisë gjatë natës mund ta thajë lëkurën tuaj. Lëkura e thatë e shkaktuar nga nxehtësia mund të nënkuptojë se jeni më të ndjeshëm ndaj shpërthimeve të sëmundjeve, si psoriaza dhe ekzema.
Ngrohja shton një shtresë shtesë stresi në menaxhimin e lëkurës së thatë, e cila është veçanërisht problematike kur keni kushte para-ekzistuese të lëkurës, si psoriaza ose ekzema.
Shenjat paralajmëruese se lëkura juaj mund të jetë shumë e thatë janë nëse ndihet e ashpër në prekje ose fillon të luspohet.
