CNN po raporton se pesë persona të armatosur e të veshur me veshje kamuflazhi kanë hapur zjarr me armë automatike ndaj personave që gjendeshin në sallën e koncerteve në Moskë, Crocus City Hall pranë Moskës. Sipas raportimeve ka të vdekur dhe të plagosur në këtë incident, përcjell Gazeta Express.
Nuk ka ende informacione të sakta për numrin e personave që kanë vdekur dhe plagosur.
“Një tragjedi e tmerrshme ka ndodhur sot në qendrën tregtare Crocus City,” tha kryetari i bashkisë së Moskës Sergei Sobyanin.
“Më vjen keq për të dashurit e viktimave”.
Sobyanin tha se e gjithë ndihma e nevojshme do t’u ofrohet të lënduarve gjatë incidentit.
