“Associated Press” ka publikuar pamjet në të cilat shihet momenti se si terroristët serbë, largohen nga Manastiri pasi sulmuan me armë zjarri ndaj Policisë së Kosovës në fshatin Bansjkë, duke lënë të vrarë rreshterin, Afrim Bunjaku.
Janë publikuar pamje nga droni që shfaqin grupin e sulmuesve teksa lëviznin në Manastirin e Banjskës të Zveçan të dielën. Rreth 30 të uniformuar e të maskuar shihen teksa lëvizin në manastir pak orë pasi kishin qëlluar për vdekje policin Afrim Bunjaku në këtë fshat.
Pamjet janë publikuar nga agjencia prestigjioze “Associated Press” të hënën në mbrëmje, që materialin ia ka atribuuar Qeverisë së Kosovës.
Ata shihet teksa kanë hyrë në këtë manastir. Më pas ky grup ka sulmuar policinë. Në aksion janë vrarë tre sulmues.
Pamjet nga droni tregojnë sulmuesit teksa ecin maleve si dhe brenda mureve të manastirit.
